Uniun purtadra idéeplus
Per propagar e realisar l’idea dad in chanal naziunal da tv han ils iniziants fundà il schaner 2010 a Berna l’uniun purtadra “idéeplus”. L’uniun independenta e senza interess da profit sa drizza a tuts interessents che tegnan aut la diversitad culturala da la Svizra e la chapientscha tranter las regiuns linguisticas.
Associaziun
L’uniun “promova la realisaziun dad in chanal da televisiun svizzer che reutilisescha emissiuns existentas e derasa quellas cun suttitels u sincronisaziun en tut las regiuns linguisticas da la Svizra”. Quatras vul ella “contribuir al barat intercultural ed a la chapientscha naziunala”. Commember po daventar tut tgi che sustegna l’intent d l’uniun e che ha ina relaziun cun la Svizra. Interpresas, organisaziuns ed instituziuns pon entrar en l’uniun sco commembers collectivs. Cun las contribuziuns dals commembers finanziescha l’uniun sias activitads.
La suprastanza
La suprastanza da fundaziun cumpiglia trais commembers. Pass per pass vegn la suprastanza schlargiada sin 5-7 commembers.